№ 23
[1534 г., июня после 19] 1. Донесение М. М. Андрошевича, державцы ожского и переломского, гетману Ю. М. Радзивиллу об отправке к нему, по господарскому приказу, работников для строительства мостов перед войском.
Велможный а милостивый пане! Здоровья, щастья и розмноженья всего доброго вашой милости весполок с панею твоей милости и з Богом даными детми вашой милости верне сприям и правдиве зычу, яко то поволный слуга вашой милости.
Притом, милостивый пане, што господарь его милость рачил ми росказати, абых послал бортей всих до вашой милости для робленья мостов перед войском, ино я, милостивый пане, бортей всих послал до вашой милости через служебника моего и за то вашой милости покорне чолом бью, абы ваша милость рачил росказат(и), кому тыи борти и в того служебника моего взять и кому ваша милость рачите росказать тыи борти служебнику моему подат(ь). Рачте, ваша милость, казат(и) каждого на имя на реистре написать и под печатью своею тот реистр служебнику моему рачте казат(ь) дат(и). А я росказал служебнику моему, абы в тое ж слово реистр под печат(ь)ю своею дал тому, кому их ваша милость кажете подат(и): для того, если будет который не поехал, абы ся мною не вымовлял, жебых я мял которого отпустит(и); бо, милостивый пане, я каждому заказал, абы каждый ехал без жадного сплошенства.
Затым вашой милости покорне чолом бью: не рачте мя, ваша милость, з ласки своей опускати, яко пан мой милостивый.
Писан на Ожи.
Поволный слуга вашой милости Миколай Миколаевич Ондрош(евич) низко ч(о)лом б(ье)т.
Авт. 125. Л. 3. Подлинник: 20,5 х 31,5 см. Водяного знака нет.
Лист был сложен в виде пакета, оборотной стороной наружу.
На обороте: След зеленовосковой печати. В середине – адрес (тем же почерком и теми же чернилами, что и основной текст): Велможному пану, пану Юрью Миколаевичу Радивиловича, пану виленскому, гетману наивышшому великого княз(с)тва Литовского, старосте городенскому, маршалку дворному господаря короля его милости, державцы лидскому и белицкому, пану моему милостивому. Выше – другим почерком, бледно-коричневыми чернилами, пометы (XVI в.): Tu iesth listh na hethmaсstwo panu vilenskiemu Radziwilowi 2, у ynsze listy do roznych wlosci krolewskich у dzierzawiec, у list na podwod 30 pod wozy Hetmaсskie, у do ciwunow zmockich у szlachty o posluszeсstwo Hetmanowi. Ниже более яркими чернилами приписано: pozyczony. На верхнем поле листа (перпендикулярно к предыдущим пометам): Листы пана воеводы виленского. Вдоль правого края листа (параллельно предыдущей помете): W Roku 1535, gdy szli pod Starodub. Вдоль левого края (другим почерком и чернилами) – архивная помета XVIII в.: № 9. Fasc. 2. Woien(nych).
Комментарии
1. Датируется на основании вышеприведенного документа № 22.
2. Далее между строк вписано (другим почерком): wyiкty stad do przywileia.