1501, марта 11. Посольство от великого князя Ивана Васильевича к царю Менгли-Гирею с боярином князем Федором Ромодановским: благодарит царя за то, что с литовским великим князем не мирится, и просит, чтобы и [340] впредь тоже не мирился, а воевал бы общего недруга; представить царю поминки. Наказы князю Ромодановскому: настаивать у царя и царевича, чтобы они постоянно воевали Литовскую землю; извещать великого князя о всех делах. Речи посланца великого князя о всех делах. Речи посланца великого князя к князьям Шемячичу и Можайскому: приказали бы своим людям, которые хорошо знают степь, проводить в Крым князя Ромодановского, а сами князья жили бы бережно от Литовцев (Д. Кр. № 2, стр. 782-797).

I. Лета 7009, марта 11 день, послал князь велики в Перекопь к Менли-Гирею ко царю посла своего князя Феодора Ромодановского, а с ним послал толмача Илью, да подьячево Митю Болкова, да татар своих.

А се посолство.

Говорити от великого князя Менли-Гирею царю князю Феодору Ромодановскому. Первое от великого князя царю челом ударити, а молвити: брат твой князь велики Иван велел тобе челом ударити. Князь велики велел твое здоровие видети. Да поминок подати. А опосле поминка речь говорити. Князь велики велел тобе говорити: писал еси ко мне в своей грамоте с нашими людми с Кадышом с Абашовым да с Кудашом и с своим человеком с Кутушом, что князь велики Александр литовской прислал к тебе своего гонца Берендея с своею верющею грамотою и с речми; и которую к тебе князь велики Александр грамоту верющую прислал и по которым списком его гонец Берендей от него тебе речь говорил, и ты ту его грамоту и те списки ко мне прислал; а в грамоте в своей писал еси, что князь велики Александр к тебе послал своего гонца Берендея о миру, а в орду посла своего послал, и твои люди его и видели в Азове; и ты, не сослався со мною, миру с великим князем Александром взяти не хочешь, а его еси гонца Берендея к нему не отпустил, а детей еси своих и рать свою на его землю отпустил и недружбу еси ему велел чинити.— Князь велики велел тобе говорити: и мы к тебе о всем о том послали своего посла Ивана Григорьева сьша Мамонова, а приказали есмя к тебе с своим послом с Иваном, что брат наш то делаешь гораздо, что на своем слове и на своей правде стоишь: как еси нам свое слово молвил и правду учинил, по тому нам и правишь.— Князь велики велел тобе говорити: а ныне сее зимы князь велики Александр присылал ко мне своих послов о миру, чтобы мне с ним мир взяти. И мы ему отвечали тем: присылаешь к нам о миру, а к нашим недругом к Ахматовым детем посылаешь, а наводишь их на моего брата на Менли-Гирея царя и на нас; а и ныне еси к ним послал, а наводишь их на брата моего Менли-Гирея царя и на нас; и мне с тобою [341] какой мир? Так есми его послом отвечал.— Князь велики велел тобе говорити: и мы, уповаа на Бога, на твоего и на своего недруга, на великого князя Александра литовского землю отселе хотим наступити, оже дасть Бог на весне сей хотим посылати на Литовскую землю воевод своих со многими людми; да и детей своих ожь дасть Бог хотим отпустити на Литовскую землю; а и сами ожь дасть Бог хотим с Литовским свое (дело) делати и хотим твоему и своему недругу недружбу свою чинити, сколко нам Бог пособит.— Князь велики велел тобе говорити: и ты бы и ныне брат наш, по своей правде и по своему крепкому слову, как еси нам молвил, оттоле бы еси наступил на своего и на моего недруга, сам бы еси на конь всел и ратью пошол на Литовскую землю; а за какими делы сам не всядешь на конь, и ты бы детей своих отпустил со всеми с своими людми на его землю и недружбу бы еси ему свою чинил, сколко тебе Бог пособит. А кого к тебе пришлет литовской своего человека о миру, и ты бы с ним миру не имал, а того еси его человека к нему не отпущал; а с какими речми к тебе пришлет, и ты бы то к нам прислал, а был бы еси на Литовского со мною заодин. А как еси нам на чем свое крепкое слово молвил и правду чинил, на том бы еси и стоял, другу бы еси моему друг был, а недругу недруг, а на Ахматовых детей и на Литовского был бы еси со мною заодин. А мы как на чем тебе своему брату слово молвили и правду учинили, на том и стоим, другу есми твоему друг, а недругу недруг, а на Ахматовых детей и на Литовского с тобою есми заодин.

А се говорити князю Феодору от великого князя царю, как велит себе царь говори(ти). Князь велики велел тобе говорити: приказывал еси ко мне о платие о соболье и о горностайном и о рысьем: и яз к тебе ныне послал три сороки соболей, да пять сот горьностаев, да шубу кунию голу, да две шубы хрепты белилны голы, да две шубы обляки белилны голы, да две шубы черева белилны голы, да десять рысей. А вперед что у нас будет, и то ож дасть Бог будет перед тобою.

II. А се говорити князю Феодору Нур-салтан царице, Темиреве дочери. Князь велики Иван велел тобе поклонитися. Князь велики велел твое здоровие видети. Да поминок подати соболь. Князь велики велел тобе говорити: как еси наперед того межы нашего брата Менли-Гирея царя и нас нашего дела берегла и делала, так бы еси и ныне межи нашого брата Менли-Гирея царя и нас нашего дела берегла, а нам бы еси дружбу свою чинила. А мы как наперед того тебе свою дружбу чинили, так и вперед ожь дасть Бог тебе хотим свою дружбу чинити.

А се говорити Емгурчею царевичю. Князь велики Иван велел тобе [342] поклонитись. Да поминок подати соболь. Князь велики велел тобе говорити: как еси наперед того у царя у Менли-Гирея, у своего брата, промежы нас нашего дела берег и дело нашо делал, а нам дружбу свою чинил, так бы еси и ныне у своего брата у Менли-Гирея царя промежы нас нашего дела берег и дело бы еси наше делал, а нам бы еси дружбу свою чинил. А мы как наперед того тебе свою дружбу чинили, так и вперед оже дасть Бог тебе хотим свою дружбу чинити.

А се говорити князю Феодору Махмет-Гирею царевичю, Менли-Гирееву сыну цареву. Князь велики велел тобе поклонитись. Да поминок подати. Князь велики велел тобе говорити: как еси наперед сего дружбу свою нам чинил и добра нашего промежь отца своего царя и меня смотрил и дела нашего берег, так бы еси и вперед нам дружбу свою чинил и добра бы еси нашего промежы отца своего царя да и меня смотрил и дела нашего берег, а нам бы еси дружбу свою чинил. А мы как наперед того тебе свою дружбу чинили, так и вперед ож дасть Бог тебе хотим свою дружбу чинити. А ныне, господине, послал со мною князь велики к тебе сорок соболей.

А другому сыну цареву Менли-Гирееву, Ахмет-Кирею, да третьему сыну Махмуту князю Феодору от великого князя поклонитися, да и поминок подати, и речь молвити та ж, что и Махмет-Гирею царевичю.

А се говорити Барашу, Еменекову сыну. Князь велики велел тобе поклонитись. Да поминок подати соболь. Князь велики велел тобе говорити: как еси наперед того промежы царя и меня добра нашего смотрил и дела нашего берег, так бы еси и вперед межы царя и меня добра нашего смотрил и дела нашего берег. А мы как наперед того тебе свое добро дръжали, так ивперед ожь дасть Бог хотим тебе добро свое дръжати. А ныне, господине, послал тебе князь велики со мною сорок соболей.

А Довлетеку мурзе, Именекову же сыну, князю Феодору от великого князя поклон правити и поминок подати и речь молвити та ж, что и Барашу.

Да говорити князю Феодору накрепко Нур-салтан царице, Темиреве дочери, чтобы царю говорила о том накрепко, чтобы царь сам ли пошол, детей ли своих послал на Литовскую землю, а с Литовским бы не мирился. А царевичем ему говорити накрепко о том, чтобы отцу своему Менли-Гирею царю говорили, чтобы с Литовским не мирился, а сами пошли на Литовскую землю воевати.

А князем Барашу и Довлетеку и иным князем, которым с ним посланы поминки, говорити князю Феодору им накрепко, чтобы царю говорили о том накрепко, чтобы царь с Литовским не мирился ни канчивал, а землю бы Литовскую велел воевати. [343]

III. Паметь князю Феодору Ромодановскому. Попросит у него царь Менли-Гирей посолства список, что ему речь говорил, и князю Феодору дати ему список с посолства, а с памятей ему списков царю не давати.

Паметь князю Феодору Ромодановскому. Говорити ему царю Менли-Гирею накрепко, чтобы царь одно(ли)чно пошол на Литовскую землю ратью, или бы детей своих послал. А шол бы царь, или его дети, к Киеву, или к Слутцку, или к Турову, и к Пинску, и к Меньску, того деля, чтобы как недругом гораздо недружба довести. И пойдет царь сам на Литовскую землю, а князю Феодору велит с собою итти, и князю Феодору со царем итти, от того ся ему не отговаривати; а пошлет его царь и с детми, и князю Феодору и с детми итти. А князя бы Ивана Кубенского и Ивана Мамонова ¹ отпустил к великому князю. Да молвити князю Феодору от великого князя царю, чтобы царь сам не ходил, ни детей своих не посылал, да и людем бы своим всем приказал, чтобы не ходили воевать по сей стороне Днепра к Путивлю и к Чернигову, и к Рылску, и к Новому городку к Северскому, и к Стародубу, и к Гомью, и к Любечю, и к Трубецку, и ко Отбрянску: милосердием Божьим, те городы и земля нынеча государя нашего.

А вспросит Менли-Гирей царь Феодора: приказал ко мне князь велики с Иваном с Мамоновым, что ему было послати воевод своих с людми к Смоленску на первой пороше; ино были ли его воеводы под Смоленском? И князю Феодору молвити: великого князя, господине, люди все лето да и осень и всю зиму в Литовской земле не выходя воевали, и много городов поимали и волостей, а иные выжгли. А к Смоленску, господине, воевод с людми не посылал того деля, что снеги выпали велики, да и корму коньского от Смоленска мало, не на чем многим людем стояти городов доставати; а на весне, господине, хочет многих своих воевод с людми послати на Литовскую землю.

Да паметь князю Феодору. Беречи ему того накрепко, чтобы Менли-Гирей царь с великим князем Александром не мирился, ни канчивал. А кого князь велики Александр ко царю своих людей пришлет, и он бы их к нему не отпущал, а своих бы людей к нему не посылал. И взмолвит царь: приказал ко мне князь велики с тобою, чтобы яз с великим князем Александром с литовским не мирился; а князь велики с литовским не помиритлись? и князю Феодору молвити: государь нашь, господине, с литовским не мирится.

А придет царь, или его дети, воевав Литовскую землю, и князю Феодору царю говорити, чтобы людей своих посылал воевати Литовские земли. [344] А которые люди приидут воевав, и он бы и опять своих людей посылал воевати, чтобы его люди завсе были в Литовской земле. Да самому князю Феодору от Менли-Гирея царя не ехати к великому князю без великого князя ведениа, а беречи ему великого князя дела по великого князя наказу.

Память князю Феодору Ромодановскому. Как оже дасть Бог приедет к Менли-Гирею царю, ему молвити князю Ивану Кубенскому и Ивану Мамонову: как их отпустит царь, и они бы на Киев не ходили, а шли бы куде будет им пригож; и отпустит царь Кубенского и Ивана Мамонова не мотчаа, как придет князь Феодор, и ему тогды тех татар все пятинатцати оставити у себя, которые с ним посланы. А помотчает царь отпустить Кубенского и Мамонова сына, и князю Феодору, говоря с Кубенским и с Мамоновым, да отпустити к великому князю тогды семь татаринов, а восмь ему татаринов у себя оставити. А к великому князю им отписати о том: летось и сее осени ходили Татарове Перекопьские Литовские земли воевати и Лятцкие: и кто ходил в головах, и многие ли люди были, и кои места имали, и много ли имали? и на весне сей до него послал ли царь, или хочет послати людей на Литовскую землю, и кого хочет послати? Опосле Берендея, князь велики литонской присылывал лы ко царю своего человека? царь в Литву посылывал лы своего человека к великому князю? Да отписати ему и про Орду и про турского и про волошского, каков будет тамо слух. Да о всем ему о тамошнем деле к великому князю с теми татары отписати. А Менли-Гирею царю ему то сказати, что шлет к великому князю, и Менли-Гирей бы царь послал к великому князю свою грамоту, отписавши о всем о тамошнем деле. А захочет царь своего человека послати к великому князю, и он бы послал. А поновятся после того каковы вести про Орду и про турского и по волошского и про литовского, и князю Феодору посылати с вестми к великому князю из тех из осми татаринов, которых у себя оставит, колких будет пригож; а иных ему у себя оставити. А великого князя ему о всем без вести не дръжати. А коли почнет к великому князю посылати, и ему то Менли-Гирею царю сказати, чтобы и Менли-Гирей царь послал с ними человека ли, грамоту ли.

Память князю Феодору. Будет по грехом Иван Мамонов до Менли-Гирея царя не дошол, и князю Феодору сказати царю то: которые князи и с которыми городы приехали к великому князю служити да и воеводы великого князя которые городы литовские поимали за великого князя: город Путивль, Дбрянеск, Радогощь, Почяп, Попова Гора, Мченеск, Серпееск, Дорогобуж, Опаков, Дроков, Мглин, Торопец, Любутеск, Дмитров, Лучин; а князь Семен княж Иванов сын Андреевича приехал с [345] городы с Черниговым, с Стародубом, с Гомьем, с Любечем; а князь Василей княж Иванов сын Дмитреевича Шемячичь приехал с городы с Рылском, да с Новым городком с Северским и со многими волостми; а Трубецкие князи с городом с Трубецьском и с волостми; а Мосалские князи с городом с Масалском и сволостми; а князь Семен Иванович Белской с своею вотчиною, с городом с Белою и со многими волостми. А на бою изыманы великого князя Александровы воеводы: князь Костянтин Острожской, Григорей Остиковичь маршалок, Лютавар маршалок, Миколай Юрьев сын Глебова, Миколай Юрьев сын Зиновьева, Дрютские князи. А опроче того многие люди именные поиманы, а многие люди именистые побиты. Да пана его Станислава Барташевича взяли во Дбрянску, да князя Богдана Глинского взяли в Путивле, да князя Семена Соколинского с ним взяли в Торопце, да Кмиту, да Жеребятича, да и иные его наместники и многие люди поиманы, которые были по городом.

Да память князю Феодору. Что велел князь велики князю Семену княже Иванову сыну Андреевича да князю Василью Шемячичю послати своих людей, которые гораздо знают на поле проводити его до Перекопи; и как дасть Бог дойдут здорово до Перекопи, и ему тех людей отпустити, а с ними ему к великому князю отписати, здорово ли дал Бог пришол в Перекопь, и о кои дни пришол; а о вестех с ними не писати.

IV. А о князе жь о Феодоре послал князь велики ко князем Мосла Загрязского.

Говорити от великого князя князю Семену Ивановичю Стародубскому Мослу Загрязскому. Князь велики велел тобе говорити: послал есми посла своего князя Феодора Ромодановского к Менли-Гирею царю в Перекопь: и ты бы съехался со князем с Васильем с Шемячичем, где будет пригоже, да с ним есте поговоря выбрали своих людей таких, которые гораздо знают на поле: ты бы выбрал своих людей, колко будет пригож, а князь Василей своих людей, да послали бы есте их проводити посла нашего князя Феодора до Перекопи. А не будет у тебя таких людей, ино бы князь Василей выбрал у себя таких людей, Путивльцов ли, Рылян ли, кои гораздо знают на поле, да послали бы есте их проводити посла нашего князя Феодора до Перекопи. А наказали бы есте тех людей, чтобы нашего посла провели такими дорогами, чтобы как дал Бог им здорово его допровадити до Перекопи, да то есми положил на вас. И вы бы нам тем послужили, чтобы есте однолично выбрав послали с ним таких людей, чтобы дал Богь здорово нашего посла князя Феодора допроводили до Перекопи; а выбрали бы есте тех людей неславно, чтобы ся про нашего посла не отозвало в Киеве и в Черкасцех, как бы им на [346] пути пакости не учинили. Да чтобы есте Ромодановского с товарыщи не издръжав отпустили; а доколе у вас побудут, и вы бы велели Ромодановскому с товарыщи давати корм конной, сено и овес. Да как те ваши люди, проводив князя Феодора, к вам приедут, и вы бы одново из них, или дву, прислали ко мне часа того на подводах.

А как ему, говорив князю Семену та речь, и ему, ехав ко князю к Василью к Шемячичю, да князю Василью ему та же речь говорити; толко переменити то: не будет у тебя у князя у Семена ² таких людей, ино бы князь Василей ³ выбрал у себя таких людей; и не будет таких людей у князя у Семена, ино бы ты князь Василей выбрал.

Память Мослу. Как поедет князь Феодор Ромодановской из Нового городка, и ему молвити князю Василию, чтобы с ним послал до Путивля, или до Рылска, отколе им на поле поитти. И кого пошлет князь Василей, и Мослу того даждатися. Да как приедет тот человек, проводив князя Феодора до поля, а будут оба вместе, и князь Семен и князь Василей, и ему говорити ся речь обема вместе. А будет князь Семен в Стародубе, и ему князю Василью ся речь говорити наодине перед его бояры; да от князя Василья ехати ему ко князю к Семену, да сю речь князю Семену говорити наодине перед его бояры. Князь велики велел тобе говорити: присылал к нам князь велики Александр своего посла Станислава Нарбутова о том, что к нам хочет слати своих послов; да говорил нам от него, чтобы до послов на обе стороны зацепки не было. И ты бы его украин не зацеплял ничем, доколе у нас от него послы будут. А на то бы ся есте не оплашивали, жили бы есте бережно. А каковы у вас вести ни будут, и вы бы меня о всем без вести не дръжали.

Память Мослу Загрязскому. Как приехав во Дбрянеск, и ему ехати к князем наперед князя Феодора Ромодановского да князем ему речь говорити по записем. Да колких людей князь Семен и князь Василей выберут князя Феодора проводити до Перекопи, и ему тех людей переписати себе по именом, которой человек княж Семенов и которой княж Васильев, и которого города будут люди. Да выспросити ему тех людей, которых пошлют князи провожати князя Феодора: которою себе чают дорогою итти, и на кои места, и отколе им притти на поле, от Рылска ли, или от Путивля. Да что ему скажут, и ему то себе написати на список памяти для. Да и то ему себе записати, в которой день князи отпустят князя Феодора, и из которово места. Да как князь Феодор от князей поедет, и Мослу тогды ехати к великому князю.

А Мослу дано шесть подвод и с подьячим. А подьячей с ним послан Марко; а отпущен со князем Феодором вместе.

Комментарии

3. Должно быть: Семен.