№ 101.

1505, февраля 2 — марта 3. Грамота великого князя Ивана Васильевича в Крым и отпуск из Москвы послов царя Менгли-Гирея: Царь прислал бы в Путивль своих людей принять своих послов и вдову царя Нурдовлата; с своими людьми отпустил бы из Крыма боярина Ощерина и товары, которые оставил у себя в заклад за деньги, взятые у него Ларевым и Карачаровым. Речи крымских послов на отпуске от великого князя меньшего, Василия Ивановича, царю и царевичам, о дружбе и братстве. Грамота великого князя Ивана Василевича царю Мегли-Гирею (Д. Кр. № 2, стр. 1158-1170).

I. И февраля 2, отпустил князь великий в Крым к Менли-Гирею его человека Яхъю самово-шестово; а с ним вместе послал ко царю с своею грамотою своих Татар.... ха Карчеева.

Да и к Ивану к Ощерину послал князь великий с Кожухом свою грамоту.

А се грамота. Менли-Гирею царю, брату моему, князь великий Иван челом биет. Прислал еси к нам своих послов, Касым Азеа да [553] Асанчю Афыза с своими грамотами и с речми; да с ними прислал еси к нам своего поробка Яхъю. А в грамоте писал еси к нам, что как учнем мы к тебе отпущати твоих послов Касым Азея да Асанчю Афыза, и нам бы прикошевав к твоему паробку к Ахъе своих казаков да наперед твоих послов с вестию их к тебе послати с тем как им быти в Путивле, и ты пошлешь своих людей, а велишь нашего боарина Ивана Ощерина до Путивля проводити, а своих послов Касым Азеа да Асанчю Афыза взял из Путивля к себе припровадити. И мы, по твоему приказу, наперед твоих послов отпустили к тебе твоего паробка Яхью, да своих казаков, Кожуха Карчеева с товарыщы, с сею нашею грамотою; а послов твоих Касым Азеа да Асанчю Афыза отпущаем к тебе часа того; а будут твои послы в Путивле за две недели до нашего праздника до Велика дни. Да и царици брата твоего жена царева Нордоулатова Юмадыкова дочь, да и с костию брата твоего с Нордрулатовою в Путивле будут на тот же день. И тебе бы то нашему брату ведомо было. И ты бы послал своих людей не мотчаа в Путивль по царицу и по своих послов, а боарина бы еси нашего Ивана Ощерина отпустил к нам с ними вместе и велел бы еси своим людем проводити его до Путивля, а из Путивля бы еси велел взяти царицу да и своих послов да к себе припровадити; а были бы твои люди в Путивль по царицу и по твоих послов на наш праздник на Велик день; а нашего бы боарина Ивана до Путивля проводили, чтобы царица да и твои послы в Путивле долго не мотчали, занже Путивль место украинное; толко им туто долго мотчати, ино им вскормится нечем. А о которых делех приказывал еси к нам с нашим боарином с Олексеем да и в грамотах в своих писал с своими послы и словом приказывал, и мы ож дасть Бог о тех делех о всех прикажем к тебе с твоими послы с Касым Азеем и с Асанчю Афызом. Да прислал еси к нам вместе с своими послы наших послов, которых есмя посылали в Италийские страны, Дмитриа Ларева да Митрофана Карачарова да и мастеров, которые с ними к нам щли из Италийских стран; и что которые еси денги давал нашим послом без заклада, сто тысячь денег и пятнадцать тысячь, а в грамоте в своей к нам писал еси, чтобы нам те денги велети дати твоему послу Асанчю Афызу и бакшею твоему Токтару: и казначей наш Дмитрей Володимеров те денги дал твоему послу Асанчю Афызу и бакшею твоему Токтару. А в которых еси денгах, в девяносте тысячах и в семи тысячах, взял товар в закладе у наших послов у Дмитриа и у Митрофана, и казначей наш Дмитрий Володимеров те денги дал добрым людем, а велел им с твоими послы купить товар на тебя; которой товар полюбят твои послы, и они за тот денги [554] платили, да к тому товару казначей наш Дмитрий приложыл свою печать, а твой посол Асанчю Афыз к тому товару приложыл свею печать. А как отпустим твоих послов к Путивлю, и мы тот товар, что на закладные денги куплен, пошлем весь в Путивль с своим человеком с Дмитрием с Ларевым вместе с твоими послы; и которых своих людей пошлешь по царицу и по своих послов к Путивлю, да и нашего боарина Ивана Ощерина проводити велишь до Путивля, и ты бы с теми своими людми прислал в Путивль и тот товар, которой еси взял в закладе у наших послов у Дмитриа и у Митрофана, а велел бы еси тот товар отдати в Путивле моему человеку Дмитрию Иванову сыну Лареву. А которой товар на те денги на закладные куплен и за печатью моего казначеа Дмитриа Володимерова и твоего посла Асанчи Афыза, и ты бы тот товар велел взяти у того же у моего человека у Дмитриа.

II. А се такову грамоту послал князь велики с Кожухом к Ивану к Ощерину.

От великого князя Ивана Васильевича всеа Русии Ивану Ивановичу Ощерину. Отпустил есми ко царю к Менли-Гирею его ...бка Яхъю, да с ним послал есми ко царю своих татар, Кожуха Карчеева с товарыщи с своею грамотрю. И как приедут те татарове в Крым, и ты бы с тими с моими татарьи сам шол ко царю, да велел бы еси им от меня царю челом ударити и поминок и грамоту подати перед собою. А какову есми грамоту ко царю писал, и яз с тое грамоты послал к тебе список. И ты бы царю говорил, чтобы царь своих людей по царицу и по и...послов послал не мотчаа, да и тебя бы к нам отпустил с ними не мотчаа, а велел бы тебя своим людем проводити до Путивля. Да и тот бы товар, которой взял в закладе у наших послрв у Дмитриа и у Митрофана, прислал с своими людми в Путивль; а царицу бы и и своих послов, Касым Азеа и Асанчю Афыза, со всем товаром велел из Путивля взяти да к собе припровадити, а говорил бы еси так: царь господине, Путивль место украинное, и толко царице и твоим послом долго мотчати в Иутивле, ино им и кормитися нечем; а еще, господине, и весть про них будет на поле, ино, господине, от казака страх на поле. А что есми ныне послал с теми татары поминков, соболей царю и царицам и царевичем и князем, и у тех соболей печать казначея моего Дмитриа Володимерова, а соболи все подписаны, кому которой соболь дати; и ты бы моим татаром велел те соболи тем и роздати, кому которой соболь подписан дати. А как дасть Бог придешь со царевыми людми к Путивлю, и ты бы на поле не стоял ни часу, шел бы еси в Путивль часа того. Да как придешь в Путивль, и ты бы ко [555] мне из Путивдя прислал наперед человека с вестию, чте еси пришол в Путивль, и кто с тобою придет царев посол, и сколко с ними людей и коней, о всем бы еси о том писал ко мне с своим человеком именно.

III. А на отпуске на Яхъине говорил князь велики послом Касым Азею да Асанче Афызу о проводех Ивана Ощерина, и о царице, и о кости, и о товаре то ж, что и в грамоте писал ко царю с Кожухом с товарыщы. Да говорил им: да что ко мне царь писал в своей грамоте о татарех, что они попали в руки слугам нашим в том, что ходили их вотчины воевати, чтобы нам его деля тех к нему отпустити: и нам было непригож тех людей отпустити, что они брата нашего люди, а наши земли приходя воюют; и нам ныне о них бил челом сын наш Василей, чтобы нам тех его людей ко царю отпустити, и мы царя для и сына своего для челобитьа, тех людей ко царю велим отпустити с вами вместе, и вы то с Яхъею ко царю прикажите, а ты то Яхъя и сам слышишь, и ты то царю скажы.

А поехал Яхъя с Масквы февраля 4, во вторник, на Феодорове неделе; а Кожух с товарыщы с ним вместе, а послан их провожати до Новогородка Северского Коняй толмач, подводы и корм им давати. А о подводах и о корму грамоту и запись давал Коняю Тишко Моклоков. А се такова грамота послана с Коняем ко князю к Василью Шемячичю. От великого князя Ивана Васильевича всеа Русии князю Василью Ивановичю, слузе нашему. Послал есми к Менли-Гирею царю своих татар Кожуха Карчеева с товарыщы, да с ними отпустил есми ко царю его паробка Яхъю. И как к тебе приедут, и ты бы им велел кормец давати да и подводы бы есте им велел давати до Путивля; а как поедут из Путивля, и ты бы с ними послал своих людей, а велел проводити, доколе будет пригож, да и мне бы еси отписал с моим толмачом с Коняем, в которой день поедут из Путивля. А как те твои люди, которых пошлешь провожати наших татар и царева человека, проводив их, к тебе приедут, и ты бы ко мне отписал, до которых мест их проводили и в кой день с ними розъехалися.

IV. И февраля 27, князь велики крымских послов Кайсым Азеа и Асанчю Афыза отпустил. А на отпуске им князь велики сам отвечал: Кайсым! Асанча! Писал к нам царь в своей грамоте,— да говорил ту ж всю речь, что писал ко царю в своей грамоте с своими татары с Смаилем с товарыщи.

А опосле великого князя говорил речь князь велики Василей цареву [556] человеку Довлет Келдею. Довлет Келдей! Привез еси к нам грамоту от Менли-Гиреа царя; а писал к нам царь в своей грамоте, что меня учинил себе другом и братом потомуж, как ныне со отцем с нашим, с великим князем. И яз на том царю челем бию. И царь бы пожаловал, и в прок меня себе другом и братом учинил потомуж, как ныне со отцем с нашым, с великим князем. А как отец наш, князь велики царева добра смотрит и дела его бережет; а мы также хотим царева добра везде смотрити и дела его беречи, сколко нам Бог пособит.

А се великому князю Василью молвити Емгурчееву человеку Керекше. Керекша! Привез еси к нам грамоту от Емгурчеа салтана; а писал к нам Емгурчей салтан, что хочет нам свою дружбу и братство чинити и отца нашего великого князя и нашему другу хочет другом быти, а недругом недругом быти. Ино, как отец наш князь великий Емгурчею салтану дружбу свою чинил, и мы также хотим Емгурчею салтану свою дружбу чинити, сколко нам Бог дасть.

А Махмет-Кирееву человеку Милкоману князь велики Василей ту ж речь говорил, что и Емгурчееву человеку Керекше.

А опосле того опять князь велики болшей говорил царевым послом да Имерекину сыну. Кайсым Азей, Асанча, Довлет Келдей! Царь, жалуючи, писал в своей грамоте к сыну к моему к Василью, что его учинил себе другом и братом. И вы от меня молвите Менли-Гирею царю, чтобы он меня для учинил так, при мне бы сына моего Васильа учинил себе прямым другом и братом, да и грамоту бы ему свою шертную дал, а мои бы то очи видели: занже царь ведает сам, что всякой отец живет сыну; и царь бы то мне учинил свою прямую дружбу и братство, чтобы при мне сыну моему Василью так учинил.

А опосле того князь велики с послы приказал ко царю челобитье, а ко царевичем и ко царицам и к уланом и ко князем приказал князь велики поклон. А князь великий Василей приказал ко царю с Довлет-Келдеем челобитье. А ко царю с послы его вместе послал своих татар Смаиля Шемерденева сына, да Янчюру Яковля сына, да Хозехмата Мамакова сына с своею грамотою. А поехали татарове с Москвы марта 2, а царевы послы поехали с Москвы марта 3, в понеделник, на Похвалной неделе.

А се грамота ко царю. Менли-Гирею царю, брату моему, князь великий Иван челом биет. Писал еси к нам в своей грамоте с свойм человеком с Кайсым Азеем о нашых недрузех о Шиг-Ахмете царе и о Александре короле полском; и мы о тех делех да и о иных делех приказали к тебе с своим боарином с Иваном с Ощериным; [557] а и ныне, как по нашей мысли ино нелзе тому так сстатися, что королю Шиг-Ахметя царя тебе выдати, или прочь его отпустити: занже и наперед того которые цари бывали в Литве, и ты сам ведаешь, как ся над ними в Литве сстало. Ино мы того и ныне не чаем, чтобы тому так быти, но то один Бог ведает, как то будет. А что хочеш своему и моему недругу недружбу чинити, ино дай Бог так, чтобы дал Бог иедругу недружба довести. А как ты брат наш на чем нам молвил и правду учинил; на том бы еси и стоял, другу бы еси моему друг был, а недругу недруг, а на Ахматовых детей и на Казимировых детей был бы еси с нами заодин. А я как на чем тебе молвил, на том и стою, другу есми твоему друг, а недругу недруг, а на Ахматовых детей и на Казимировых детей яз и сын мой Василей с тобою есмя заодин. А как будет у нас твой посол и наш боарин Иван Ощерин, и мы тогды пошлем к тебе вместе с твоим послом своего боарина. А писал еси к нам да и Нур-салтан царици о Абдыле-Летифе царе, что он молодостью учинил, и нам бы ему то отдати да приведчи его у себя держати; ино ведомо тебе да и царице: как есмя Абдыл-Летифа держали и жаловали и на Казани посадили, и он нам на чем шерть дал, в том во всем солгал, и мы были ему того деля так учинили. А ныне, для тебя брата своего и для матери его Нур-салтан царицы, к себе есмя его привели и держым его у себя и твои люди его видели. Да приказывал еси ко мне и к моему сыну к Василью о своих людех, которые приходили наших земль воевати да попали в руки нашым слугам князю Семену Ивановичю и князю Василью Шемячичу, чтобы нам их к тебе отпустити: ино было нам тех людей непригож отпустити за то, что они нашых земель приходили воевати. И мы ныне тебя деля брата нашего, тех твоих людей с твоими людми к тебе отпустили, а ты бы нашых людей головы, да и грабеж, что твои люди в нашых землях у наших слуг, у князя у Семена у Стародубского и у князя Васильа у Шемячича, сыскав, все к нам прислал не мотчаа, как твои люди к тебе приедут; а и с своим есмя боарином с Иваном с Ощериным о тех головах и о грабежех к тебе приказывали. А тех бы еси своих людей, кои нашы земли воевали, показнил, чтобы вперед лиха не чинили, чтобы другу и недругу было что слышети. А вперед бы еси заказал всем своим людем накрепко, чтобы наших земль, да и тех земль, которые за нашими слугами, за кназем Васильем за княж Семеновым сыном Ивановича Стародубского и за князем Васильем Шемячичем и за Трубетскими, князми и за иными за нашими слугами, не воевали, ни лиха бы нашим землям и нашим людем никакова не чинили. Да что есмя посылали к тебе боарина своего князя Ивана Кубенского, да [558] с ним были наши люди служилые, да и торговых людей много, и на полех пограбили Азовцы, и мы о том приказывали в Кафу салтану кафинскому с своим послом с Александром Голохвастевым, чтобы те жывоты нашего боарина и наших людей служилых и торговых, сыскав, к нам прислал, занже здесе жены их . . . . к нам приходя, о тех жывотех беспрестанно бьют челом. А к нам ныне кафинской салтан прислал свою грамоту с нашим послом с Александром, да и словом приказывал, а сказывает, что он тот грабеж весь собрал, ино деи у него взял тот грабеж ты брат наш, а ялся деи ..... к нам отослати. И ты бы брат наш те жывоты нашего боарина и наших людей к нам прислал ... .. нам жены их и дети о том не били челом. Да . . . си моих казаков Смаиля Шемерденева .... Якчобуа Яковля сына да Хозехмата Мама . . . ко мне отпустил, а с ними . ... . мне отписал о своем здоровье и о своих детех ..... Бог милует; да каковы у тебя вести ...., и ты бы нас совсем без вести не держал. Да сказывали нам нашы послы Дмитрей Иванов сын Ларев да Митрофан Карачяров, что пошол с ними из Фрязской земли мастер резец, Григорьем зовут Воренза; и они .... сказывают, давали у него на дому да и на пути многие денги. И как наши послы и с мастеры к нам от тебя пошли, и ты деи того мастера резца Григорьа у себя оставил. И ты бы, брате, того. мастера к нам прислал; занже тот мастел шол на наше имя с нашими послы.

А послан послов проводити царевых Бориско толмачь Марков до .....ля, и корм им давати; а о корму давал им ..... Дмитрий Володимеров. А дано Бориску две подводы.

А Дмитрей Ларев поехал на подводах же к Путивлю того деля товару, что осталося в Крыме в закладе в ...... А что которых своих людей царь просил великих .... ходили воевати великого князя земль, и т.... велено Дмитрею Лареву, взяв у дву князей Васил...... дать царевым послом Кайсым Азею. ..........

А наперед послов до Новогородка до Северского послан .... Алексеев сын Щокина, а велено ему е ...... ямщиком, чтобы держали корм гото.........