СРЕДНЕВЕКОВЫЕ ИСТОРИЧЕСКИЕ ИСТОЧНИКИ
ВОСТОКА И ЗАПАДА

¹ Месяца декабря в 6 день житие и деяние святого отца нашего Николы архиепископа Мирскиа Лукиа, заступника роду христианскому ² (^1-2 Написано киноварью). Благослови отче.

Благоволи (инициал Б киноварный на 4 строки) бог в дни прежнаа възыскати писаниа, яже вся от пророк проповеданаа о господне нашем Исусе Христе. Святых бо пророк проповеданиа обличаются праведных и святых наре/че/ниа именнаа приидите благословении отца моего наследоуите оуготованное вам царство божие на небесах. Волею убо благаго бога бысть муж /ди/вен преподобен от бога именем Никола в стране Трагасии, в веси Фароя. Сей благоволит жити с духовным отцем архимандритом Савватием. И сущима има во святем славней манастыри Акаласисте, обавленым всех творца бога нашего Исуса Христа, помысли божиею волею на память и на оцещение греков славну создати церковь святого Сиона и тако многу знамению бывшю благоволи владыка и господь во веки род/итися/ в знаменем месте прилежащу села детищю благолепну, и чисту богом, от рода прежереченному святому мужу Николе, отца Феофана и матери Ноны. Ведевше же детище зело угодно богу и честен родився, нарекоша имя ему Никола. Егда бо родися и куплему в нечвах и божиею силою ста на ногу своею и прост до двою //